កម្លាំងនគរបាលខេត្តបន្ទាយមានជ័យ ប្រមាណជាង៤០០នាក់បានចូលរួមច្រូតស្រូវជូនប្រជាកសិករ
07-August-2018 | ដោយ ពលមនសិការ
បន្ទាយមានជ័យ៖ កម្លាំងនគរបាលស្នងការដ្ឋាននគរបាលខេត្ត ប្រមាណជាង៤០០នាក់បានចូលរួមច្រូតស្រូវ ប្រជាកសិករដែលរងគ្រោះដោយទឹកជំនន់ជាង២,០០០ហិតា នៅព្រឹកថ្ងៃទី០៧ ខែសីហា ឆ្នាំ២០១៨ នៅឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យឲ្យដឹងថាក្រោយពេលទទួលព័ត៌មានប្រជាកសិករឃុំរហាត់ទឹករងគ្រោះដោយស្រូវស្រាលប្រភេទស្រូវសែនក្រអូបលិចទឹកជាង២,០០០ហិតា ហើយដោយមានការណែនាំពីឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យហើយលោកបានដឹកនាំកម្លាំងនគរបាលខេត្ត ស្រុក ក្រុងនិងកម្លាំងនគរការពារព្រំដែនគោកបានចុះអន្តរាគមន៍ជួយច្រូតកាត់និងប្រមូលផលដែលជា៦ក្រុម។
លោកបានបញ្ជាក់ថាកម្លាំងនគរបាលខេត្តបន្ទាយមានជ័យក្រៅពីការងារការពារសន្តិសុខនិងសណ្តាប់ធ្នាប់ជូនប្រជាពលរដ្ឋនិងសង្គម បានជួយអន្តរាគមន៍ជួយប្រជាពលរដ្ឋដែលរងគ្រោះដោយធម្មជាតិមាន គ្រោះទឹកជំនន់ និងខ្យល់កន្ត្រាក់ គ្រោះរាំងស្ងួត និងកសាងផ្ទះជូនប្រជាពលរដ្ឋក្នុងខេត្តបន្ទាយមានជ័យ។
លោកឧត្តមសេនីយ៍ទោ អាត់ ខែម ជាកស្តែងកម្លាំងនគរបាលខេត្តបានជួយអន្តរាគមន៍ជួយប្រមូលផលច្រូតកាត់ស្រូវស្រាលដែលលិចទឹកគឺច្រូតហើយដាក់ថង់កាវវែងអូសមកដាក់តាមទួល ឬមាត់ប្រឡាយសម្រុះទឹកហើយដាក់គោយន្តជូនប្រជាកសិករដឹកទៅផ្ទះដើម្បីធ្វើការបោកបែនសម្រាប់គ្រួសារ។
ប្រជាកសិករបានថ្លែងអំណគុណចំពោះលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យនិងស្នងការរងនគរបាលខេត្តនិងកងកម្លាំងបានជួយប្រមូលផលស្រូវស្រាលប្រភេទស្រូវសែនក្រអូបដែលលិចទឹកទោះជាជួបការលំបាកនៅតែខិតខំច្រូតកាត់ទាំងលិចទឹកហើយជញ្ជូនឲ្យផុតពីទឹកពិតជាបម្រើប្រជាពលរដ្ឋដោយបានគិតពីការនឿយហត់ឡើយ ៕
ចំនួនអ្នកទស្សនា
- ថ្ងៃនេះ7711
- ម្សិលមិញ16391
- សប្តាហ៍នេះ53941
- ខែនេះ169091
- ឆ្នាំនេះ169091
- សរុប20611547